مقطع من شعر لحن عزاه لـ فيصل المطيري

خلاص ابرحل واترك الـدار وأروح

معاد أبـي دار"ن" ضنينـي جفاهـا


بخاوي القمرأ مـع سهيـل وانـوح

وبمشي على الرمضاء أدور ثراهـا


من عقب ريمه مالي اليوم مصلـوح

من عقب ريمه داري الحزن جاهـا


لاتشرهون ان شفتو الصوت مبحوح

أعوي كما ذيبِ "ن" عوى من غلاها


وأغلي كما قدرِ "ن" على النار مفيوح

ماعـاد أبـي دنيـاَ تزايـد عناهـا


وبمشي مع العربان واصيح وأبـوح

واقول أنا ريمه غـدت مـن لقاهـا


وبقطـع الضلعـان وأقـدم الـروح

واعرف ادياراَ نـور عينـي لفاهـا


وبخاوي العتبـان وأقـول مجـروح

وبمشي مـع المـره أدور اخطاهـا


قالوا توصف قلـت زينـاَ ومملـوح

مثل المها في زينهـا فـي حلاهـا


مثل القمر يفرق على النجم بوضوح

سبحان ربِ "ن" فارقِ "ن" في عطاها


قولوا لها خلك ترى اليوم مطـروح

قولوا لها ترحـم خليـلِ "ن" بكاهـا


قولوا لها خلك مع النـاس مفضـوح

كلِ "ن" عرف عن علته وش بلاهـا


تذكري يومِ " ن " كتبتي على اللـوح

ياجعل روحي دون روحـك فداهـا


تذكـري يومـك تقوليـن مصفـوح

الا عيـونـك ماتحـمـل بطـاهـا


تكفين عودي وقولي اليـوم مسمـوح

تكفي عيونـي جفـت اليـوم مأهـا


وإن مارجعت خلوني اليوم مذبـوح

يكفيني إني ميـتِ "ن" فـي هواهـا