ياصاحبي .. والدرب .. غربه .. ومشوار
وسنيننا .. راحت .. ونور الأمل .. راح
اللي .. بقى .. في داخلي .. بس تذكار
ومعاه .. زفرة اااه .. وشوية .. جراح
بعدك .. وقفت برجم الأيام .. محتار
وأخذت ..مع ليل التعاسات .. مرواح
مالي وطن .. مالي ثرى .. مالي الدار
مالي أحد .. مالي هوى .. مالي أفراح
قبل إنصدم ماكنت .. للحظ .. مختار
الحظ .. جاني .. من مكاتيب .. الألواح
والوقت .. هذا .. مثل ماقيل .. دواّر
والغيم .. لاراحت به الريح .. ينزاح
والحزن .. ياهو .. مؤلم .. وملمسه .. نار
والله يعين .. اللي .. ولاعمره .. إرتاح
مثلي .. ولو حلمه بدا فيه .. ينهار !!
واقف .. على جدار الصبر .. مابعد طاح
ماكان ودي .. أستفزك .. ياالأسرار
سوالفي هذي .. من .. طعون .. ورماح
ولاجيت .. انافس لأجل الاضواء .. شعار
شاعر .. وبيتي .. لا إنكتب .. جاك .. ذباح
الشعر .. قصر ٍ.. داخلي .. عالي اسوار
واللي بناه .. البعد .. قتال.. الأرواح
ياليت .. لي قدره .. على نسف .. الأقدار
ماكان .. شفتوني .. هنا .. دمع .. وجراح
موضوع: دمع ... وجراااح..!! 
الأحد مايو 25, 2008 8:59 pm
